Una Matinada a L' ostal

                   
Levada d' ora coma de costuma aquò dona de temps per faire un fum de causas. Pr' aquò ai  trobat doas oradas  per trabalhar per l' escòla. Confòrt de trabalh: assetada dins un fautuèlh, una topineta de tè vertadièr. Pas brica de collègas que venon te parlar o que se dison que te devon parlar sedenon pensariás que te fan lo morre!

Corregissi ja de còpias que son manjairas de temps perque i a mai en mai d' escolans dins la meteissa classa.
 Soi totjorn contenta de los tornar veire d' una setmana sus l' autra. E quand , de còps son aïssables, me rementi lors parents qu' ai rescontrats en debuta d' annada e que son tan segurs que lors dròlles son tan braves!! Me disi qu' es verai, que son de joves simpatics que s' amusan e que los cal ajudar a progressar e a grandir. Explicitar l' imatge que donan d' eles per lor comportament e dire las consequéncias umanas de lors actes. 
Vòli pensar qu' es portaire per d' unes e per los autres se farà mai tard.

Mon mestièr m' agrada, soi una privilegiada.

una jornada de trabalh impossible

Una jornada de trabalh estranha: S' amassèrem de profs dins una sala per trabalhar. Mas es lo mes de Junh!!!
 Un prof venguèt de luènh per nos parlar d' eròis qu' unifiquèron las lengas bessonas. Aquel òme faguèt un esfòrç: parlèt de còps en oc, de còps en catalan. Nos ajudèt plan a seguir çò que disiá. 
Mas çò qu' èra pas previst es l' estat d' escota de profs al mes de Junh!

Après lo repais, degun dormiguèt pas. Un autre prof venguèt per parlar d' autres eròis e de difinicions. Parlèt tanben del besonh dels escrivans de crear d' eròis per se sentir, eles, eròis. Expliquèt qu' èra un biais de faire de literatura, un biais de considerar l' òme dins la vida. Que n' i a d' autres d' autors que pensan que los èròis son pas los meteisses. Question de definicion. De que parlam?
Mas çò qu' èra pas previst es l' estat d' escota de profs al mes de Junh!

Impossibilitat de se concentrar. Impossibilitat de demorar assetada. Impossibilitat de gardar lo silenci. Impossibilitat d' escotar.
Quina galèra!!
E a un momenton, cortet segur, l' idèa que per un escolan deu èsser tarrible de passar la jornada a l' escòla quand l' interessa pas.
Mas i caliá pensar qu' al mes de Junh, trabalhar d' un biais intelligent es pas possible!!

anglés un plaser?

Enfin a l' ostal, tranquilla! fa un pauc mai d' un mes que soi a parlar anglés amb de convidats e de profs per l' escambi escolar. Fa longtemps qu' aviái pas parlat anglés en defòra de l' escòla.

M' a fach pensar que ensenhar una lenga es èsser engatjat dins la cultura. Es malaisit de viure mai d' una cultura. Vivi en França e soi donca emprenhada de sa cultura, puèi meti la prioritat a la cultura occitana: que devem mostrar que se pòt viure en occitan dins nòstre sègle. Aquò fa que dins ma vida me sentissi completa aital, capabla d' exprimir tot çò qu' ai de dire.
Solament ai gaireben doblidat que m' agrada tanben d' ausir e de parlar anglés. Per limitar l' abséncia de la lenga, legissi regularament lo Time magazine; de romans en anglés tanben. Mas escambiar e parlar fasiá longtemps.!!!

fa un mes que preni un banh linguistic, que d' automatismes son tornats. e lo plaser màger de dintrar dins un ostal anglés e d' autres.

Lo plaser.

cortesia

M' agrada de rescontrar de mond que son diferents de ièu. M' agrada de parlar amb de gents que son pas coma ièu e que pensan d' un biais diferent. M' interessa de descobrir de causas que coneissiái pas. Totes an quicòm de faire descobrir.

Aqueste interés, es pas totjorn comprés. De còps, o compreni pas tanpauc perque me demandi çò que soi. Benlèu afortissi pas pro çò que soi. Mas es aquesta flexibilitat que me va plan. Cresi ben que sabi plan qual soi, e çò que son las valors que defendi.

Engani los autres? Parli amb de gents que creson que pensi coma eles. Se mainan pas de mos silencis, respondi pas a lors idèas.
Me retròbi dins de situacions malaisidas. 
Ont es lo respiech, d' eles, de ièu? 

 Mas ma sinceritat es dins l' escota e lo partatge d' un moment. Pensi qu' es de respièch e pas brica d' ipocrisia o de messorga.

los novèls uèlhs.

Cada dos ans me'n vau veire lo doctor dels uèlhs. Fa longtemps que de tota ma nautor e mai de la longor de ma braçada i vesi pas. Ai besonh de clucas e pòrti de lentilhas. De mai dempuèi qualques annadas me cal verificar tanben la tension de l' uèlh e lo nèrvi perque mon paire sonha un glaucome e aquò es ereditari. Alara, regularament fau faire un contraròtle.

L' autre jorn, l' òme me diguèt que deviái cambiar de lentilhas perque las ' mieunas' se farián pas mai a la fin de l' an. Eran d' un procedís tròp vièlh. Sulpic, m' a traversada l' idèa que metiái sus mon uèlh de causas marridas, que fariái partida d' estatisticas mediaticas d' un malur de santat !! la rason es tornada: vau plan, pas ges de problèma !!
M' expliquèt qu' ara se fan amb dos materials e que l' un permet de faire respirar la membrana de l' uèlh. Comencèri de respirar.
Que benlèu auriái pas lo dejos que conflariá al moment critic allergic. Comencèri de sonrire.
 Que i auriá probablament pas de problèmas d' adaptacion perque èran de la meteissa marca. Solatjada, escotavi pas mai !!
Soi a las ensajar, e quatre jorns après : vesi de cambiaments.
Ai los uèlhs mens secs, a la fin de jornada me creman pas, e mai que mai la nuèch quand devi menar, vesi pas de formas sus la rota. Sabi ont vau, me fau pas mai paur !!

çò mai important es d' èsser urós!

La practica del Qi Gong m' es estada recomandada, fa de temps ja, per d' amigas. Me disián que las ajudava a se sentir melhor. Es mai agradiu que lo yoga perque i a pas de pausicions que te tiban los muscles. Lo movement fa pensar a la gym doça qu' es plan per totas la femnas.
 A ièu, aquò me disiá pas res. A mon idèa, quand deves anar plan e ben i a ges de rasons d' èsser malauta. Aquò es demonstrat per mon experiéncia de joventa. Soi gaireben pas jamai anada a l' espital.  Un bon soldat se lèva e contunha...

Mas un jorn, mon esquina se metèt a me tiralhar: e durèt 7 ans. D' unes pensaràn que fa un cicle que s' es acabat  solet. 
Ai plan remarcat que a desaparegut dins la mar l' estiu après la separacion del cople... Que ne pensar d' aquò?  
Lo còs me parlava e ausissiái pas. N' aviái plen l' esquina de carrejar de causas que me concernissián pas. La vida me correspondiá pas. Era pas la mieuna. 

M' èri enganada de camin. Aguèri la capacitat de ne cambiar. De comprene que çò mai important es d' èsser urosa. Pensavi qu' èra una idèa falsa, qu' existissiá pas lo bonur. Que dins la vida i a pas res d' esperar. Lo bonur èra una idèa ninòia, reservada a de somiaires.... 
 Un camin long de tota la vida per la realizar completa.



  
 

Las pèiras

Que se pòt dire a prepaus de las pèiras? Faire un cors dessús, sembla complicat. 
Ai una dròlla que m' a dich sulpic qu' amb sa mameta avián de pèiras poderosas. Son agach drech dins lo mèu per saupre se contunhava. La setmana d' après a portadas un molonet: una ametista, un cristal de ròca, un quarts ròse o grís, un uòlh del tigre, una aventurina, una carmelita e benlèu d' autras. D' unas an de polidas colors, o formas. Totas pivelan, e mai lo que dins lo grop pareissiá mens interessat. 

Per 'lavar' la pèira, per que fonccione cal esperar la nuèch de luna vièlha, la pausar dins una st Jaume que son ponch negre es virat cap al nòrd!!!
lo lendeman, se pòt utilizar per qualqu' un mai. Caduna se causís segon son interaccion. Aquela que t' ajuda a dormir, la que te pòrta la serenitat o encara aquela que calma lo còr e que te far digerir.

Un moment agradiu, que cadun a aprés quicòm e a respectar l' autre.

Lo Cap

Que se passa dins mon cap? aimariái d' i èsser dedins, de veire vertadierament. Vòli pas assistir a una IRM qu' es sonque un imatge que cal interpretar. Ièu, i compreni pas res a l' electricitat! 

Pantaissi que totes los imatges se meten a bolegar, que las personas que i pensi vengan realas...  
Saique auriái paur, que l' imaginacion despassa totjorn la realitat...
Pel trabalh, auriái un biais de fotre un carpan a un dròlle sense que pause problèma. ( aquò es lo fantasme de cada ensenhaire?). 
ja, i a de causas que son plan: l'autre jorn aviái un rendetz vos medical. Ai pensat que me podriá prene en avança la metge, que qualqu' un seriá pas arribat: e ben marchèt: una mièja orada abans. 
Ai fach parièr pel perruquièr, ai pensat que me prendriá sul pic e arribèt: l' òme aviá quasi acabat.

Mas en fach, çò que m' agradariá melhor.... assistir a la communicacion entre los esperits. Cossí se comprenem sensa parlar brica? Que se passa quand pensam a la meteissa causa al meteis temps? De còps, fasèm d' experiéncias que nos espantan: aquò o voldriái veire.

chorale

Ce week-end est consacré à la chorale: samedi soir et dimanche toute la journée. 8 heures de chant pour préparer les concerts du mois d' Avril. Ces heures de travail pour chanter ensemble et juste!!

Je découvre que le corps a une mémoire, il reconnaît et enregistre la contraction des muscles pour chanter la note à sa bonne hauteur. C' est ! comme les doigts pour les morceaux de piano, le diaphragme sait ce qu'il doit faire. Mais pour y arriver, ce sont des heures .....
Quand j' écoute des chanteurs, je suis plus tolérante et je reconnais le travail fourni ou l' aisance avec laquelle un chanteur s' exprime.
C' est beau le chant avec une belle technique!

Cossi faire quand vòli escriure e que se pòt pas? Perque meti en causa de personas que partajam pas lo vejaire sus l' educacion...
Lo dreit de l' imatge, lo dever de resèrva son d' empachas o d' ajudas? Benlèu que per ièu, al moment -m - es una ajuda que permet de canalizar la colèra e la decepcion.

L' impunitat es malaisida de justificar. Dins una activitat que se vòl educativa la sanccion a sa plaça tota. Jòga son ròtle e participa a la reflexion e a l' evolucion dels ados. Quant de còps, venon per mercejar perque an trobat que l' acte èra just! Quicòm de grèu se passa, la sanccion pòt èsser pesuga. Totes o comprenon.!

Tre qu' un adult respecta pas aqueste principi es malaisit de formar una equipa educativa. çò mai  estranh, es que fasèm pas jamai referéncia a d' expèrts perque ne sèm ( e mai s' escrivem pas de libres):  la pratica nos pòrta una experiéncia rica e preciosa. Los libres son plen de teorias que marchan dins l' absolut, mas las relacions umanas se bastisson tanben amb lo sentit e l' escota fina de l' adult.

Alara contunharai de me pausar las questions, de las pausar als collègas e trabalharai pas amb aqueste collèga que me fariá trabucar.

la prima....

La prima, renaissença!! 

Fa longtemps qu' aviái pas enveja de res: plan segur qu' anavi trabalhar... mas faire d' esfòrces en mai per la corala, pel Qi Gong èra pas possible. Semblava qu'èri pas aquí.

Plena consciença... faire quicòm en èsser conscient de çò que se fa. Escotar çò que se passa dedins, las reaccions de mon èsser. Quand "espepissi" lo dedins de ièu, soi capabla de reperar las emocions que grelhan. Aquò, es important per las savorar e aprofiechar pregodament lo moment qu'es a se viure.

E tanben, l' emocion tarrible per ièu es la colèra. Una èrsa que m' envasís, que me fa faire de causas que regreti, que me far copar de sietas, de pòrtas o que que siá.
Ara, la vesi montar aquesta èrsa e la sabi arrestar, empachar de me prene tota: es possible perque soi completament aquí quand trabalhi, rescontri qualqu'un, parli e que te sabi mai...

fa qualques setmanas qu' ai perduda aquesta preséncia conscienta, tròp en defòra, preocupada pels autres e caminavi a costat de ièu.
La prima ajuda a faire tornar tot a sa plaça, remirar las primièras flors qu' espelisson es un moment de gràcia que rapèla la consciéncia.

Aqueste ser torni al Qi Gong.

Une journée avec les copines

Quatre tasses de thé: thé noir, thé vert
La théière sur la table, plateau noir et vert
Quatre femmes assises sur le canapé
des coussins, des fauteuils
des mots entre deux gorgées
des rires de femmes
des larmes furtives d' émotion
une journée ensoleillée
Un moment de douceur détendue. 

découverte d' autre chose

découverte d' autre chose

Mouvements orangés observés
Emotions vues incarnées
Cristallisations douloureuses
Expériences internalisées
Impression d' infinité spatiale
Un cerveau encore irrencontré